د څلورو هېوادونو ترمنځ د فوټسال سیالۍ؛ افغانستان نن له اسټرالیا سره لوبه کوي

کابل (پژواک، ۶ وری ۱۴۰۳): د ټایلنډ په کوربه‌توب د څلورو هېوادونو ترمنځ د فوټسال سیالیو په لړ کې افغانستان نن له اسټرالیا سره لوبه ترسره کوي.

د افغانستان فوټبال فدراسیون پر خپله فېسبوک‌پاڼه لیکلي چې د افغانستان فوټسال ملي لوبډله نن له اسټرالیا سره لوبه ترسره کوي.

د فوټبال فدراسیون معلوماتو له مخې، یاده لوبه د افغانستان پر وخت د ماسپښین دوه بجې پیلېږي.

دغه راز په دغو لوبو کې د کوربه هېواد ټایلنډ په کډون د اسټرالیا، مالیزیا او افغانستان لوبډلو برخه اخيستې ده.

د یادونې ده، په دغو لوبو کې پرون افغانستان د مالیزیا له فوټسال ملي لوبډلې سره سیالي ترسره کړه چې درې پر درې ګولونو مساوي پای ته ورسېده.

Views: 25