کابل (پژواک، ۱۴ وری ۱۴۰۳): د راپورونو پر بنسټ، د سوریې پلازمېنه دمشق کې د ایران پر کونسلګرۍ د اسرائیل هوايي بریدونو کې د ایران سپاه پاسدران اووه غړي وژل شوي دي.
تسنیم خبري اژانس راپور ورکړی چې دغه بریدونه پرون (دوشنبه) د سوریې پلازمېنې دمشق ښار په مززه سیمه کې د ایران په کونسلګرۍ شوي دي.
د دغه برید پایله کې د ایران د سپاه پاسداران یو قوماندان محمدرضا زاهدي او د دې ډلې شپږ نور غړي وژل شوي دي.
په همدې حال کې، د ایران بهرنیو چارو وزیر حسین امیر عبداللهیان د یاد برید غبرګون کې پر خپله اېکسپاڼه د یوه پیغام په خپرولو ویلي، تهران کې د امریکا د ګټو ساتونکي په توګه د سویس سفارت شارژدافیر د ایران د بهرنیو چارو وزارت د امریکا څانګې د عمومي مدیر له لوري دغه وزارت ته احضار شو.
هغه زیاته کړې: «د امریکا دولت ته صهیونیستي نظام ملاتړي په توګه مهم پیغام ورسول شو؛ امریکا یې باید ځواب ووايي.»
د نړۍ بېلابېلو هېوادونو د اسرائیل دغه بریدونه غندلي دي.
Views: 38
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن