فیضاباد (پژواک، ۲۹ وری ۱۴۰۳): په بدخشان کې سیمهییز مسوولین وايي چې د دغه ولایت په یفتل پایان ولسوالۍ کې د زر مینځلو یوې کارګاه د چت نړېدو له امله یو کان کېندونکی مړ شوی دی.
د بدخشان د اطلاعات و فرهنګ ریاست د اطلاعاتو امر حکمتالله محمدي وايي، د عبدالمتین په نوم بدخشانی ځوان چې دوه میاشتې مخکې یې واده کړی و او د خپلې کورنۍ نفقې پیدا کولو لپاره یې کان کېندلو ته مخه کړې وه، د دغه ولایت د یفتل پایان ولسوالۍ د چیابک کلي په مربوطاتو کې د زر مینځلو یوې کارګاه د چت نړېدو له امله مړ شوی دی.
هغه زیاتوي چې دغه پېښه پرون رامنځته شوې او د مړه شوي کس مړی له خاورو رایستل شوی او کورنۍ ته یې سپارل شوی دی.
Views: 4
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن