کابل (پژواک، ۴ غویی ۱۴۰۳): له څو میاشتو بحث وروسته د بریتانیا پارلمان رواندا ته افغان پناهغوښتونکو په ګډون د ناقانونه کډوالو د ایستلو طرحه تصویب کړه.
اسوشیتدپرس راپور ورکړی چې د بریټانیا پارلمان پرون (دوشنبه) د دغه هېواد د لومړي وزیر ریشی سوناک پیشنهادي طرحه تصویب کړه چې له مخې به یې هغه ناقانونه کډوال چې په قاچاقي ډول د وړو کښتیو له لارې دغه هېواد ته راغلي، رواندا ته لېږل کېږي.
د یادې طرحې له مخې، د بریټانیا دولت د یوه پنځه کلن پلان له مخې به هغه کډوال چې دغه هېواد ته راځي، رواندا ته ولېږي څو له هغه ځایه یې د پناهغوښتنې وړاندیز پرمخ لاړ شي.
دا په داسې حال کې ده چې ګاردین راپور ورکړی و چې د بریټانیا لومړی وزیر د دغه هېواد د دوو حزبونو (محافظهکار او اپوزیسیون) تر فشار لاندې دی څو د ناقانونه کډوالو د اخراج طرحه تایید نه کړي.
یادې طرحې رواندا هېواد د درېیم امن هېواد په توګه اعلان کړی و او بریتانیايي چارواکو ته اجازه ورکوي څو هغه کډوال چې په ناقانوني توګه دغه هېواد ته راځي، د پناهغوښتنې د پروسې له څېړلو پرته رواندا ته ولېږل شي.
ویل شوې چې یاده طرحه د روان کال په جولای میاشت کې پلې کېږي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن