فاریاب کې د ترافیکي پېښې له امله څلور ځوانان مړه شوي

میمنه (پژواک، ۱۵ ثور ۱۴۰۳): فاریاب کې ځايي سرچینې وايي، د دغه ولایت د مرکز میمنې ښار څنډه کې د ترافیکي پېښې له امله څلورو ځوانانو ژوند له لاسه ورکړی دی.

د فاریاب د ترافیکو مدیریت د حادثاتو مدیر احمدفهیم کوهي پژواک خبري اژانس ته وویل، پرون شپه ۱۲ بجې د کته‌کم کوتل سیمه کې یو موټر چې د میمنې ښار اوسېدونکي په کې سپاره وو، له سړکه وتلی او چپه شوی دی.

نوموړي وویل، په یاده پېښه کې د موټر ټول څلور سپرلي مړه شوي دي.

هغه زیاته کړه، یادو ځوانانو له ۲۲ تر ۲۷ کلونو عمرونه درلودل.

login or register a new account.