چاریکار (پژواک، ۲۴ غویی ۱۴۰۳): د پروان امنیه قومانداني وايي چې د دغه ولایت په مرکز کې د یوه واده د ګډونوالو موټر چپه شوی چې له امله یې لس ښځې او ماشومان ټپیان شوي دي.
د پروان امنیې قوماندانۍ خبرپاڼه کې راغلي، پرون ناوخته (یکشنبه) د دغه ولایت څلورمې امنیتي حوزې په خواجهسیاران سیمه کې ترافیکي پېښه شوې ده.
سرچینه زیاتوي، یو هینو لارۍ موټر هغه مهال له سړکه ووت او د یوه کور له دېوال سره وجنګېد چې د یوه واده مراسمو ګډونوال په کې سپاره وو.
خبرپاڼه کې راغلي، په یاده پېښه کې د څلورو ښځو او شپږو ماشومانو په ګډون لس کسان ټپیان شوي دي.
د سرچینې د معلوماتو له مخې، د یادې پېښې ټپیان د ځايي خلکو او مسوولینو له لوري د پروان ملکي روغتون ته لېږدول شوي دي.
Views: 5
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن