ناپېژانده کسانو پروان کې یو تن وژلی

چاریکار (پژواک، ۳۰ غویی ۱۴۰۳): ناپېژانده کسانو نن سهار د پروان ولایت په بګرام ولسوالۍ کې یو ۲۵ کلن ځوان په ډزو وژلی دی.

د پروان د امنیې قوماندانۍ ویاند فضل‌الرحیم مسکین‌یار وایي، د عبدالمالک په نوم دغه ځوان نن سهار اووه بجې ناپېژانده کسانو د بګرام ولسوالۍ د بخشی‌خېلو په کلي کې د ښکاري ټوپک په ډزو وژلی دی.

هغه وایي چې مجرمین د پېښې سیمې ته د امنیتي ځواکونو له رسېدو مخکې له سیمې تښتېدلي خو پولیس هڅې کوي چې مجرمین پیدا کړي او د قانون منګولو ته یې وسپاري.