اسعداباد (پژواک، ۹ غبرګولی ۱۴۰۳): د نورستان امنیتي مسوولین وایي چې د دغه ولایت په وانټوایګل ولسوالي کې د دوو کلیو اوسېدونکو ترمنځ د څرځای پر سر وسلهواله نښته شوې چې په پایله کې یې دوه کسان وژل شوي او یو بل ټپي دی.
د نورستان امنیې قوماندانۍ ویاند قاري مجیبالرحمن پژواک خبري اژانس ته وویل چې تېره ورځ شاوخوا دوولس بجې د وانټوایګل ولسوالۍ د ارنس او کلایګل کلیو اوسېدونکو ترمنځ د څرځای پر سر وسلهواله نښته شوې ده.
هغه زیاته کړه، دې نښتې نږدې یو ساعت دوام کړی چې په پایله کې یې دوه کسان وژل شوي او یو بل ټپي شوی دی.
د نوموړي په خبره چې پولیس د پېښې ځای ته رسېدلي خو د چا د نیولو په تړاو یې معلومات ورنه کړل.
د امنیې قوماندانۍ ویاند وویل، هڅې روانې دي څو دغه ستونزه د خبرو له لارې حل کړي.
Views: 17
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن