نورستان کې د څرځای پر سر وسله‌واله نښته؛ دوه کسان وژل شوي او یو بل ټپي دی

<p style="text-align: justify;">اسعداباد (پژواک، ۹ غبرګولی ۱۴۰۳): د نورستان امنیتي مسوولین وایي چې د دغه ولایت په وانټ‌وایګل ولسوالي کې د دوو کلیو اوسېدونکو ترمنځ د څرځای پر سر وسله‌واله نښته شوې چې په پایله کې یې دوه کسان وژل شوي او یو بل ټپي دی.</p>

<p style="text-align: justify;">د نورستان امنیې قوماندانۍ ویاند قاري مجیب‌الرحمن پژواک خبري اژانس ته وویل چې تېره ورځ شاوخوا دوولس بجې د وانټ‌وایګل ولسوالۍ د ارنس او کلایګل کلیو اوسېدونکو ترمنځ د څرځای پر سر وسله‌واله نښته شوې ده.</p>

<p style="text-align: justify;">هغه زیاته کړه، دې نښتې نږدې یو ساعت دوام کړی چې په پایله کې یې دوه کسان وژل شوي او یو بل ټپي شوی دی.</p>

<p style="text-align: justify;">د نوموړي په خبره چې پولیس د پېښې ځای ته رسېدلي خو د چا د نیولو په تړاو یې معلومات ورنه کړل.</p>

<p style="text-align: justify;">د امنیې قوماندانۍ ویاند وویل، هڅې روانې دي څو دغه ستونزه د خبرو له لارې حل کړي.</p>