کابل (پژواک، ۲۲ غبرګولی ۱۴۰۳): راپورونه ښيي چې یوه ناپېژنده بریدګر، چين کې د یوه امریکایي پوهنتون څلور استادان په یوه پارک کې په چړو وهلي او روغتون کې بستر شوي دي.
اسوشیټید پرېس نن راپور ورکړی چې د «ایووا کارنیل» پوهنتون په اعلاميه کې راغلي چې د دغه پوهنتون پر یادو څلورو استادانو برید تېره ورځ (دوشنبې) د چین د شمالي جیلین ولایت په یوه پارک شوی دی.
راپورونه ښیي چې د یادو ټپیانو روغتیایي وضعیت د ډاډ وړ دی.
د امریکا د بهرنیو چارو وزارت یوه ویاند په دې اړه بيبيسي ته یوازې دومره ویلي چې له یاد برید څخه خبر دي.
چیني چارواکو تر اوسه د پېښې په اړه غبرګون نه دی ښودلی.
GET IN TOUCH
NEWSLETTER
SUGGEST A STORY
PAJHWOK MOBILE APP