کابل (پژواک، ۱۴ چنګاښ ۱۴۰۳): د افغانستان د فوټبال له ۲۰ کلنو کمعمره ملي لوبډله د مرکزي اسیا اتلولي «کافا» سیالیو په لړ کې سبا خپله لومړۍ لوبه له قرغیزستان سره ترسره کوي.
د افغانستان د فوټبال فدراسیون نن پر خپله فېسبوکپاڼه لیکلي، د مرکزي اسیا اتلولي «کافا» سیالیو په لړ کې افغانستان سبا شپه اتهنیمې بجې له قرغیزستان سره لوبه ترسره کوي.
همدارنګه د دغو سیالیو په الف ګروپ کې افغانستان، قرغیزستان او تاجکستان او په ب ګروپ کې ایران، ترکمنستان او ازبکستان سره لوبېږي.
د مرکزي اسیا اتلولي «کافا» سیالۍ د قرغیزستان په جلالاباد ښار کې ترسره کېږي.
د یادونې ده، د هېواد د فوټبال له ۲۰ کلنو کمعمره ملي لوبډله په دغو سیالیو کې د ګډون په موخه وړمه ورځ قرغیزستان ته تللې ده.
Views: 14
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن