کابل (پژواک، ۱۸ چنګاښ ۱۴۰۳): کابینې ټولګټو وزارت ته دنده سپارلې چې له کابل څخه تر غزني پورې د دویم سړک جوړولو په موخه له شرکتونو سره د قرارداد په اړه ناسته وکړي.
د چارو ادارې له لوري په خپره شوې خبرپاڼه کې راغلي، د اسلامي امارت د کابينې په غونډه کې چې د ریيسالوزراء ملا محمدحسن اخند په مشرۍ نن ترسره شوه، د يو شمېر موضوعاتو په اړه بحث او پرېکړې وشوې.
خبرپاڼه کاږي، د کابينې په دې غونډه کې ټولګټو وزارت ته دنده وسپارل شوه چې د کابل – کندهار لويې لارې د جوړولو چارې له کابل څخه تر غزني پورې د دویم سړک جوړولو لپاره له شرکتونو سره د قرارداد په اړه ناسته وکړي او پايله یې دې د رياستالوزراء له مقام سره شريکه کړي څو يې د جوړېدو عملي چارې ژر پيل شي.
د خبرپاڼې د معلوماتو له مخې، په دغه غونډه کې د اقينې- اندخوی اوسپنې پټلۍ د لومړي فاز د ۳۰ کيلومتره مربع ځمکې د استملاک په اړه بحث وشو او يو پلاوی وټاکل شو څو د دې ځمکې د استملاک چارې له نږدې وڅېړي او پايله دې د کابينې راتلونکې غونډې ته وړاندې کړي.
Views: 25
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن