کابل (پژواک، ۲۴ چنګاښ ۱۴۰۳): د اروپا اتلولۍ (یورو ۲۰۲۴) لیګ سیالیو په پایلوبه د اسپانیا فوټبال ملي لوبډله له انګلستان سره لوبه کوي.
دغه سیالي د افغانستان په وخت نن د شپې ۱۱:۳۰ بجې د فرانسوي لوبڅار فرانسوا لټکسیه په قضاوت د برلین په المپیک لوبغالي کې ترسره کېږي.
د یورو په لوبو کې دغه هېوادونه د درېیم ځل لپاره سره مخامخ کېږي.
د یادو دواړو لوبډلو ترمنځ په تېرو ۱۴ سیالیو کې اسپانیا ډېره بریالۍ لوبډله وه؛ یوازې څلور ځله یې د انګلستان پر وړاندې ماتې خوړلې، ۷ لوبې یې ګټلي او درې یې مساوي پای ته رسولې دي.
د اروپا د ملتونو په لیګ کې د دغو دوو لوبډلو ترمنځ وروستۍ لوبه په ۲۰۱۸ کال کې وه چې انګلستان درې پر دوه ګټلې وه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن