کابل (پژواک، ۲۵ چنګاښ ۱۴۰۳): د اسلامي امارت ویاند وایي چې د امارت مشرتابه په کندهار کې د امنیتي ارګانونو له چارواکو سره کتلي، د هغوی هڅې یې ستایلې او په بېلابېلو برخو کې یې سپارښتنې ورته کړې دي.
د اسلامي امارت ویاند ذبیحالله مجاهد پر خپله اېکسپاڼه لیکلي، پرون په کندهار کې د اسلامي امارت د مشرتابه په مشرۍ د امنیتي ارګانونو د مسوولینو غونډه وشوه.
نوموړي زیاته کړې، په دې غونډه کې د ملي دفاع سرپرست مولوي محمدیعقوب مجاهد، د کورنیو چارو سرپرست خلیفه سراجالدین حقاني، د استخباراتو لوی ریاست سرپرست ملا عبدالحق وثیق او نورو لوړرتبه امنیتي چارواکو او مسوولینو ګډون درلود.
سرچینې ویلي، په ناسته کې د امنیتي ارګانونو چارواکو په چارو کې د پرمختګونو او اجرااتو په اړه د امارت مشرتابه ته توضیحات ورکړل، مشرتابه هم د هغوی هڅې وستایلې او په مختلفو برخو کې یې سپارښتنې ورته وکړې.
مجاهد لیکلي، د غونډې په جریان کې د امنیتي ارګانونو اړوند ستونزو په اړه هم بحث وشو چې مشرتابه یې د حل برخه کې لازمې لارښوونې وکړې
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن