مزارشریف (پژواک، ۱۸ زمری ۱۴۰۳): بلخ ولایت کې د حیرتان – مزارشریف اوسپنې پټلۍ د څلورم پورت اړوند نایباباد سټېشن له بیارغونې وروسته فعال او ګټې اخیستنې ته وسپارل شو.
د پرانیستې په دغو مراسمو کې د سرپرست حکومت د رییسالوزاء اقتصادي مرستیال عبدالغني برادر، د ټولګټو سرپرست وزیر محمدعیسی ثاني، د افغانستان په چارو کې د ازبکستان هېواد ځانګړي استازي عصمت اکه اېرګشوف او د بلخ سیمهییزو چارواکو ګډون کړی و.
ملا عبدالغني برادر په یادو مراسمو کې وویل چې افغانستان د جغرافیایي او سټراتیژیک موقعیت له مخې د مرکزي اسیا د اتصال ټکی دی او اسلامي امارت هڅه کوي د سیمهییز اتصال د تقویې لپاره د سیمې له هېوادونو سره بدیلې لارې ومومي.
هغه زیاتوي، د اوسپنې پټلۍ سټېشنونه د ترانسپورټي شبکو او سیمهییز اتصال مهم بنسټونه تشکیلوي او دغه سټېشن به د افغانستان د پرمختګ لامل او د هېوادونو د وصلولو وسیله شي او دغه راز به د افغانستان او ازبکستان ترمنځ اقتصادي او سوداګریزې اړیکې لا پراخې کړي.
login or register a new account.
