<p style="text-align: justify;">کابل (پژواک، ۱۰ وږی ۱۴۰۳): یوه معلول افغان لامبو وهونکي عباس کریمي د پاریس پارالمپیک سیالیو کې د نقرې مډال ګټلی دی.</p>
<p style="text-align: justify;">عباس کریمي په دې سیالۍ کې ۴ پر ۵۰ متره واټن په دوو دقیقو او ۱۸ ثانیو کې وواهه او د نقرې مډال په ګټلو سره یې دویم مقام ترلاسه کړ.</p>
<p style="text-align: justify;">عباس کریمي پر خپله <strong><a href="https://www.facebook.com/abbas.karimi.1420">فېسبوکپاڼه</a> </strong>لیکلي چې د پاریس پارالمپیک سیالیو کې یې د نقرې مډال ګټلی دی.</p>
<p style="text-align: justify;"> افغانالاصل امریکایي معلول عباس کريمي په دغو سیالیو کې د امریکا په لوبډله کې برخه اخیستې وه.</p>
<p style="text-align: justify;">دغه راز، په دغو سیالیو کې چین لومړی مقام ترلاسه کړ.</p>
<p style="text-align: justify;">دا په داسې حال کې ده چې وړمه ورځ د پارتکواندو یوې افغانې ورزشکارې ذکیې خدادادي هم د پاریس پارالمپیک سیالیو کې د برنز مډال ګټلی و.</p>
