بغلان کې د ترافیکي پېښې له امله څلورو کسانو ته مرګ‌ژوبله اوښتې

پلخمری (پژواک ، ۱۴ وږی ۱۴۰۳): د بغلان امنیه قومانداني وایي، د دغه ولایت په فرینګ ولسوالۍ کې د یوه موټر چپه کېدو له امله درېیوکسانو خپل ژوند له لاسه ورکړی او یو بل ټپي دی.

د بغلان امنیه قوماندانۍ په خبرپاڼه کې راغلي، نن له غرمې وروسته د فرینګ ولسوالۍ ورسج کوتل ته څېرمه یو پاسو موټر چپه شوی دی.

سرچېنې لیکلي چې په دغه پېښه کې درېیو کسانو خپل ژوند له لاسه ورکړی او یو بل ټپي دی.