کابل (پژواک، ۲۴ تله ۱۴۰۳): ستره محکمه وایي، په کابل ښار کې څلورو مجرمینو ته د نامشروع اړېکو په جرم تعزیري سزا ورکړل شوه.
د سترې محکمې به خبرپاڼه کې راغلي، د کابل ولایت مرافعه محکمې اړوند ښاري ابتدائیه محکمې څلورم زون جزا دېوان د پرېکړې پهاساس دوو ښځو په ګډون څلورو کسانو ته د نامشروع اړيکو په جرم د محکمې په انګړ کې تعزیري سزا ورکړل شوه.
سرچېنې لیکلي، د ښاري ابتدائیه محکمې جزا دېوان د يادو مجرمينو له ډلې دوه تنه پر ۲ ـ ۲ کاله تنفيذي بند او ۳۰ـ ۳۰ دُرو تعزیري سزااو دوه نور مجرمين پر يوـ یو کال او شپږ شپږ میاشتې تنفيذي بند او ۲۵ ـ ۲۵ دُرو تعزیري سزا محکوم کړي وو.
د یادونې ده چې تر دې مخکې هم په بېلابېلو ولایتونو کې خلکو ته تعزیري سزا ورکړل شوې ده.
Views: 36
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن