کابل (پژواک، ۴ لړم ۱۴۰۳): د راپورونو له مخې، تېره شپه د خیبر پښتونخوا په دېره اسماعیل خان کې د پاکستاني سرحدي ځواکونو پر یوه پوسته وسلهوال برید کې لس سرتېري وژل شوي دي.
رویټرز خبري اژانس د پولیسو د درېیو جګپوړو چارواکو په حواله ویلي، تېره شپه د خیبر پښتونخوا په دېره اسماعیلخان کې وسلهوالو کسانو د سرحدي پولیسو پر یوه پوسته برید کړی چې په پایله کې یې لس سرتیري وژل شوي دي.
یادو چارواکو د نوم نه ښودلو په شرط رویټرز ته ویلي چې وژل شوي کسان د سرحدي ځواکونو سرتېري دي.
رویټرز لیکلي، د برید مسوولیت د پاکستاني طالبانو تحریک «ټيټيپي» منلی دی.
د یادونې ده چې د پاکستانی پوځ د مطبوعاتو او عامه اړیکو دفتر«ایاېسپيار» تر اوسه پر خپله ویبپاڼه او خواله رسنیو د دې پېښې په اړه څه نه دي ویلي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن