کابل (پژواک، ۲۷ لړم ۱۴۰۳): د ټولګټو وزارت وایي، د دغه وزارت د اوسپنیزې کرښې مرستیال د ایران اوسپنې پټلۍ ادارې له اجرائیوی رئیس سره د دواړو هېوادونو ترمنځ د ریلي همکاریو پر دوام او پراختیا خبرې کړې دي.
د ټولګټو وزارت په خبرپاڼه کې راغلي چې د دغه وزارت د اوسپنيزې کرښې مرستيال مولوي محمداسحاق صاحبزاده د ايران د اوسپنې پټلۍ ادارې له اجرائیوي رئیس محترم دوکتور جبارعلي ذاکري او مل پلاوي سره وکتل.
سرچينې لیکلي چې په دغه ليدنه کې د خواف-هرات د دريېمې قطعې له لارې د سوداګريزو توکو د انتقالاتو پر زياتوالي، د اوسپنې پټلۍ په برخه کې د افغانستان د اوسپنيزې کرښې اړوند د تخنيکي کارکوونکو د ظرفيت لوړولو او په افغانستان کې د اوسپنيزې کرښې په برخه کې د پانګونې پر څرنګوالي خبرې وشوې.
یاد وزارت لیکلي، په پای کې دواړو لورو د افغانستان او ايران ترمنځ په اوسنيو دوه اړخيزو ريلي همکاريو خوښي وښوده او هيله يې څرګنده کړه، چې دواړه هيوادونه بايد د ريلي همکاريو د دوام او پراختيا په موخه هڅې نورې هم زياتې کړي.
GET IN TOUCH
NEWSLETTER
SUGGEST A STORY
PAJHWOK MOBILE APP