<p style="text-align: justify;">میدانښار (پژواک، ۳۰ لړم ۱۴۰۳): د ميدانوردګو ولایت په مرکز میدان ښار کې د یو میلیون امریکايي ډالرو په لګښت د قلمونو جوړولو یوې فابریکې فعالیت پيل کړ.</p>
<p style="text-align: justify;">د اړوندې موضوع په اړه جوړ شوو مراسمو ته د میدانوردګو ولایت د صنعت او سوداګرۍ خونې مرستیال محمدخان ځواک وویل چې اسلامي امارت په هېواد کې پانګهوالو ته د اسانتياوو برابرولو لپاره ژمن دی او تل هڅه کوي څو دغه شان کورنيو او بهرنيو پانګهوالو ته لازمې اسانتياوې برابرې کړي.</p>
<p style="text-align: justify;">نوموړي وویل، دغه ډول کارخوني کولای شي په هېواد کې کاري فرصتونه ایجاد کړي، څو اقتصادي ستونزې راکمې شي.</p>
<p style="text-align: justify;">ورته مهال، د یادې کارخونې مشر حاجي خيالمحمد وویل، دغه کارخونه یې د یو میلیون امریکايي ډالرو په لګښت جوړه کړې ده.</p>
<p style="text-align: justify;">هغه وايي چې دغه کارخونه بېک قلمونه تولیدوي او ۲۰ کسانو ته په کې د کار زمینه برابره شوې ده.</p>
<p style="text-align: justify;"></p>
<p style="text-align: justify;"></p>
