خوست ښار (پژواک، ۲۴ مرغومی ۱۴۰۳): د خوست امنیه قومانداني وايي چې د دغه ولایت د مرکز په مربوطاتو کې یې د نشهيي توکو يو مشهور قاچاقبر له ۴۳ کيلوګرامه چرسو سره نیولی دی.
د خوست امنيه قوماندانۍ وياند طاهر احرار پژواک خبري اژانس ته وويل، د نشهيي توکو دغه قاچاقبر د خوست مرکز اړوند د منګسو په سيمه کې د نشهيي توکو پرضد د مبارزې مديريت پوليسو لخوا نيول شوی.
نوموړي وويل، د مياولي په نوم له دغه مشهور قاچاقبر څخه ۴۳ کيلوګرامه چرس او يو ميل کلاشينکوف د پوليسو لاسته ورغلي دي.
د احرار په وينا، ياد کس غوښتل چې دغه اندازه نشهيي توکي د یاد ولايت نورو سيمو ته ولېږدوي او پر خلکو يې وپلوري.
GET IN TOUCH
NEWSLETTER
SUGGEST A STORY
PAJHWOK MOBILE APP