کابل (پژواک، ۲۶ مرغومی ۱۴۰۳): د میدانوردګو د اطلاعاتو او فرهنګ ریاست وایي، په روان ۱۴۰۳ کال کې یې په دغه ولایت کې ۵۷ نوې لرغونې او تاریخي ابدې ثبت کړې دي.
د میدانوردګو د اطلاعاتو او فرهنګ رییس مولوي حبيبالله مجاهد پژواک خبري اژانس ته وویل چې دغه تاريخي ابدې د یاد ریاست په هڅو په روان ۱۴۰۳ لمریز کال کې ثبت شوې دي.
هغه وویل: «دغه لرغونې ابدې او سياحتي سيمې چې زموږ د هېواد او خلکو د تاريخ او فرهنګ ښودنه کوي په دغه ولايت کې د ياد ریاست له خوا ورته ځانګړې پاملرنه شوې ده.»
د ده په وینا، په يادو ثبت شوو تاريخي ابدو کې زيارتونه، لويې کلاوې، جوماتونه او د کاشانيانو د وخت استوپې شاملې دي چې سلګونه کاله تاريخي مخينه لري.
مجاهد وايي: «له دغو تاريخي ابدو څخه د کلاسپېد، زرغون بابا، غازي محمدجانخان او خداینظر خان کلاوو يادونه کوو چې سلګونه کاله پخوا جوړې شوې او په بېلابېلو وختونو کې د جهاد او مبارزې مهم سنګرونه بلل کېدل.»
د ده معلوماتو له مخې، دغه تاريخي ابدې د ميدانوردګو په نرخ، جلرېز، سیداباد ، دايميرداد، چک او جغتو ولسواليو کې موقعيت لري.
دغهراز، د یاد ولایت د اطلاعاتو او فرهنګ رياست د تاريخي ابداتو برخې مسوولین وايي چې د اسلامي امارت له راتګ مخکې یوازې ۱۸ لرغونې ابدې له دغه ریاست سره ثبت وې
GET IN TOUCH
NEWSLETTER
SUGGEST A STORY
PAJHWOK MOBILE APP