ازبېک سوداګرو د افغانستان په ودانیزو چارو او کان کېندنې برخو کې پانګونې ته لېوالتیا ښودلې

کابل (پژواک، ۲۷ کب ۱۴۰۳): د صنعت او سوداګرۍ وزارت وایي، ازبېکستاني سوداګرو د دغه وزارت له مرستیال سره په لیدنه کې، په افغانستان کې د ودانیزو چارو او کان کېندنې برخو کې پانګونې ته لېوالتیا ښودلې ده.

د صنعت او سوداګرۍ وزارت په خبرپاڼه کې راغلي چې د دغه وزارت مرستیال مولوي احمدالله زاهد په خپل کاري دفتر کې له ځینو ازبېک پانګوالو سره لیدنه وکړه.

خبرپاڼه کې راغلي چې ‎په دې غونډه کې ازبېک پانګوالو د افغانستان په ساختماني او کان کېندنې برخو کې د پانګونې لپاره خپله لېوالتیا څرګنده کړه.

د صنعت او سوادګرۍ وزارت مرستیال مولوي احمدالله زاهد په دغه لیدنه کې ویلي، افغانستان اوس په بشپړ ډول خوندي دی او یادو برخو کې د ودې او پرمختګ لپاره پراخه امکانات شتون لري.

هغه ډاډ ورکړی چې د افغانستان اسلامي امارت د داخلي او بهرني پانګوالو هر راز ملاتړ کوي.

زاهد هیله څرګنده کړې ‎چې دا پانګونې به د افغانستان اقتصاد ته وده ورکړي او د دواړو هېوادونو ترمنځ د اقتصادي اړیکو د لا ټینګېدو لامل شي.

ایراني پانګوالو د افغانستان کانونو برخه کې پانګونې ته لېوالتیا ښودلې ده

د کانونو او پټرولیم وزارت وایي چې ایراني او په بهر کې مېشت افغان پانګوالو د دغه وزارت له سرپرست سره په لیدنه کې د ډبرو سکرو او نورو کانونو په برخه کې د پانګونې غوښتنه کړې ده.

روسي او الماني دوو کمپنیو افغانستان کې پانګونې ته لېوالتیا وښوده

یو شمېر روسي سوداګرو د کانونو او پټرولیم وزارت له سرپرست سره په لیدنه کې ویلي چې غواړي په افغانستان کې له کثافاتو د برېښنا تولید برخه کې پانګونه وکړي.

«د اذربایجان پانګوال افغانستان کې پانګونې ته ځانګړې لېوالتیا لري»

د اذربایجان ملي سوداګر له افغان چارواکو سره په ليدنه کې ویلي چې د دغه هېواد سوداګر او پانګوال په افغانستان کې له پانګونې سره ځانګړې لېوالتیا لري او غواړي په بېلابېلو برخو کې پانګونه وکړي.