هرات (پژواک، ۱۸ وری ۱۴۰۴): هرات کې امنیتي مسوولین وایي چې دغه ولایت کې د امنیتي ځواکونو او وسلهوالو غلو ترمنځ په نښته کې یو وسلهوال غل وژل شوی او یو بل یې نیول شوی دی.
د هرات د امنیې قوماندانۍ ویاند غلامنبي نبيزاده پژواک خبري اژانس ته وویل، تېره شپه دوو وسلهوالو غلو د اوومې امنیتي حوزې مربوطاتو کې له امنیتي ځواکونو سره نښته کړې چې په پایله کې یې یو وسلهوال غل وژل شوی او یو بل یې نیول شوی دی.
هغه وویل، دغو دوو کسانو د شپې له تیارې څخه په استفادې د هرات ښار د اوومې امنیتي حوزې سیمه کې د خلکو له کورونو غلاوې کولې چې د اوومې امنیتي حوزې ځواکونو د خبر له تر لاسه کولو وروسته هغوی پېژندلي او درولي یې دي.
د هرات د امنیې قوماندانۍ ویاند دغه راز وویل چې له غلو یوه تومانچه او یو موټر سایکل هم لاسته راغلي او نیول شوی کس د امنیتي ځواکونو تر څېړنې لاندې دی.
GET IN TOUCH
NEWSLETTER
SUGGEST A STORY
PAJHWOK MOBILE APP