خوستښار (پژواک، ۲۰ وری ۱۴۰۴): خوست کې سیمهییز مسوولین وایي چې د دغه ولایت په مرکز او ځاځيمیدان ولسوالۍ کې د تندر لوېدو پېښو کې دوه کسان مړه او درې نور ټپیان شوي دي.
د خوست د والي ویاند مستغفر ګربز پژواک خبري اژانس ته وویل چې تېره ورځ د دغه ولایت د مرکز په متون سیمه او ځاځيميدان ولسوالۍ کې د تندر لوېدو پېښې شوې دي.
هغه زیاته کړه، په لومړۍ پېښه کې يوه کس ژوند له لاسه ورکړی او دوه نور ټپيان شوي او په دويمه پېښه کې هم يو کس مړ او يو بل ټپي شوی دی.
د ګربز په وينا، ټپيان روغتون ته انتقال شوي او روغتيايي وضعيت يې د ډاډ وړ دی.
