کابل (پژواک، ۲۹ وری ۱۴۰۴): د راپورونو له مخې، امریکا د یمن د راس عیسی پر نفتي بندر هوایي بریدونه کړي چې شاوخوا ۳۸ کسان پهکې وژل شوي او ۱۰۲ نور ټپیان دي.
د الجزیزې ټلوېزیون نن په یوه راپور کې ویلي، پرون پنجشنبې د یمن د راس عیسی د تېلو پر بندر د امریکا هوایي بریدونو کې ۳۸ کسان وژل شوي او ۱۰۲ نور ټپیان شوي دي.
سرچینې د امریکا د مرکزي قوماندانۍ (سینټکام) له قوله لیکلي چې دغه هوایي بریدونه یې د حوثیانو د تمویل او سرچینو بندولو لپاره کړي دي.
دا په داسې حال کې ده چې د تېرې کب میاشتې په ۲۷مه هم په یمن کې د امریکا په هوایي بریدونو کې ۵۳ کسان وژل شوي وو او ۹۸ نور ټپیان وو.
GET IN TOUCH
NEWSLETTER
SUGGEST A STORY
PAJHWOK MOBILE APP