کابل (پژواک، ۶ غبرګولی ۱۴۰۴): د انګلیستان په لیورپول ښار کې تېره شپه د فوټبال اتلولۍ نمانځنې پر مهال یو موټر د خلکو پر ګڼهګوڼه ورغلی او ۵۰ کسان یې ټپیان کړي دي.
کارډین ورځپاڼې په یوه راپور کې ویلي، د لیورپول ښار د فوټبال د غورهلیګ د بریا مراسم د دوشنبې ماښام وروسته له هغه ګډوډ شول چې یو موټر پر خلکو ورغی او د څلورو ماشومانو په ګډون یې شاوخوا ۵۰ کسان ټپیان کړل.
سرچینې ویلي، ټپیان روغتون ته لېږدول شوي چې د یوه ماشوم روغتیایي حالت نازک ښودل شوی دی.
پولیسو د پېښې په تړاو یو ۵۳ کلن سپینپوستی انګلیستانی نیولی دی.
د یادونې ده، دا پېښه هغه مهال شوې چې د ليورپول لوبډلې په زرګونه مینهوال د بریا نمانځلو په موخه سړکونو ته راوتلي وو.
GET IN TOUCH
NEWSLETTER
SUGGEST A STORY
PAJHWOK MOBILE APP