د نورستان په دواب کې یوه کس خپل ورور په ډزو وژلی

کابل (پژواک، ۱۰ چنګاښ ۱۴۰۴): د نورستان امنیه قومانداني وایي چې د دغه ولایت په دواب ولسوالۍ کې د ځمکې پر سر شخړه کې یوه کس خپل ورور په ډزو وژلی دی.

د نورستان امنیې قوماندانۍ ویاند غلام‌رحمن حیدري پژواک خبري اژانس ته وویل چې دغه پېښه تېره شپه د دواب ولسوالۍ د ژونیا درې په باداري کلی کې شوې ده.

هغه زیاته کړه چې شخړه د ځمکې پر سر شوې او امنیتي ځواکونه هڅه کوي چې قاتل ونیسي.