کندهار کې یوه ځوان ځان‌وژنه کړې ده

کندهار (پژواک، ۱۰ چنګاښ ۱۴۰۴): امنیتي مسوولین وايي چې د کندهار ښار د پنځمې امنیتي حوزې مربوطاتو کې یوه ځوان ځان‌وژنه کړې ده.

یوې باوري امنیتي سرچينې پژواک خبري اژانس ته وویل چې دغه پېښه تېره ورځ د کندهار ښار د پنځمې ناحیې اړوند د صنعتي پارک ساحه کې شوې ده.

سرچينې زیاته کړه، یاد کس د خپل کارځای دننه ځان زندۍ کړی او لامل یې روانې ستونزې په ګوته شوې دي.

د صنعتي پارک د اب‌جوشو فابریکې یو کارکوونکی الله‌نظر وایي، دغه کس عبدالله نومېده او د چوکیدار په توګه یې دنده ترسره کوله.