کابل (پژواک، ۱۰ لړم ۱۴۰۴): د پروان امنیه قومانداني وایي، امنیتي ځواکونو په دغه ولایت کې د درېیو ښځو په ګډون پنځه کسان د یوه کس د قتل او د دوو ښځو په ګډون درې کسان د غلا په تور نیولي دي.
د پروان د امنیې قوماندانۍ مطبوعاتي دفتر خبرپاڼه کې راغلي چې امنیتی ځواکونو د دغه ولایت په بګرام ولسوالۍ کې د وسیم په نوم د یوه کس د قتل په تړاو د درېیو ښځو په ګډون پنځه کسان نیولي دي.
د سرچینې د معلوماتو له مخې، وسیم څو ورځې مخکې په مرموز ډول وژل شوی او مړی یې د پروان د مرکز اړوند درېیمې امنیتي حوزې د خواجه سیارانو په سیمه کې موندل شوی و.
دغهراز، سرچینه زیاتوي چې د چاریکارو لومړۍ امنیتي حوزې ځواکونو د دوو ښځو په ګډون درې کسان د غلا په تور نیولي دي.
د خبرپاڼې له مخې، نیول شوي کسان تورن دي چې د سیمې له یوه کوره یې شاوخوا دوه سوه زره افغانۍ غلا کړې دي.
سرچینه زیاتوي چې نیول شوو یادو ټولو کسانو د لومړنیو څېړنو پر مهال پر خپلو جرمونو اعتراف کړی.
GET IN TOUCH
NEWSLETTER
SUGGEST A STORY
PAJHWOK MOBILE APP