کابل (پژواک، ۶ لېندۍ ۱۴۰۴): د عامې روغتیا وزارت په بدخشان ولایت کې د څه باندې لس ټنه تاریختېرو او بېکیفیته درملو او خوراکي توکو سوځولو خبر ورکوي او وايي چې دغو توکو عامه روغتیا ته زیان رساوه.
د عامې روغتیا وزارت د بدخشان د عامې روغتیا ریاست په حواله ويلي چې ۱۳۵ قلمه تاریختېر، بېکیفیته او ناقانونه خوراکي او ۱۷۰ قلمه روغتیايي توکي چې ټولټال وزن یې لس ټنو ته رسېده، په دغه ولایت کې سوځول شوي دي.
سرچینې لیکلي چې دغه توکي د اړوندو ځايي ادارو د پلاوو په شتون کې سوځول شوي او د مسوولینو په خبره، موخه یې د بدخشان په بازارونو کې د مضرو او روغتیا ته د زیان رسوونکو موادو د پلور مخنیوی دی.
روغتیايي مسوولین ټینګار کوي چې پر بازار څارنه او د بېکیفیته توکو د پلور د مخنیوي هڅې روانې دي څو د زیان رسوونکو توکو پر وړاندې د هېوادوالو روغتیا تضمین شي.
GET IN TOUCH
NEWSLETTER
SUGGEST A STORY
PAJHWOK MOBILE APP