ایبک (پژواک، ۷ لېندۍ ۱۴۰۴): د سمنګان سیمهییز مسوولين وايي چې د دغه ولايت د خلم ولسوالۍ اړوند د ایبک – مزارشريف پر لويه لار د یوې ترافيکي پېښې له امله یوه کس خپل ژوند له لاسه ورکړی او ۷ نور ټپيان شوي دي.
د سمنګان د امنيې قوماندانۍ ویاند حشمتالله رحماني وايي چې یاده پېښه د پاسو او التو موټرونو ترمنځ د ټکر له امله شوې ده.
نوموړي څرګنده کړه چې په یاده پېښه کې یو کس مړ شوی او لږ تر لږه اووه نور ټپيان شوي دي.
رحماني زیاته کړه چې د پېښې ټپيان د خلم ولسوالۍ د امنیې قوماندانۍ د ترافیکو پرسونل له لوري د دې ولسوالۍ کلينيک ته لېږدول شوي او روغتيايي حالت يې د ډاډ وړ ښودل شوی دی.
د یادې پېښې اصلي لامل د چلوونکو بېاحتیاطي او ګړندی تګ ښودل شوی دی.
GET IN TOUCH
NEWSLETTER
SUGGEST A STORY
PAJHWOK MOBILE APP