کابل (پژواک، ۱۷ لېندۍ ۱۴۰۴): د کورنیو چارو وزارت وايي چې د کابل ښار په بېلابېلو سیمو کې یې د یوې اونۍ په ترڅ کې ۱۲۰۰ یو کيلي او بېاسناده موټر راټول کړي دي.
دغه وزارت پر خپله اېکسپاڼه لیکلي: «د دغه وزارت د عامه امنیت ریاست پولیسو د کابل د ترافیکو ریاست په همکارۍ په یوه اونۍ کې ۱۲۰۰ بېاسناده او یو کیلي موټر درولي او د پولیسو ښارګوټي ته یې انتقال کړي دي.»
د وزارت د معلوماتو له مخې، یادو ځواکونو د کابل د ورودي دروازو او د ښار په بېلابېلو سیمو کې د کابل د ترافیکو له پولیسو سره په ګډه د تلاشۍ مرکزونه جوړ کړي او د بېاسناده او یو کیلي موټرو د ګرځېدو مخه نیسي.
دغه وزارت ویلي چې د دغه اقدام موخه په ښار کې د بېاسنادو وسایطو د تګ راتګ مخنیوی او د امنیتي ګواښونو کمول دي.
GET IN TOUCH
NEWSLETTER
SUGGEST A STORY
PAJHWOK MOBILE APP