کابل (پژواک، ۱۰ مرغومی ۱۴۰۴): ټاکل شوې د افغانستان له ۱۹ کلنو کمعمره ملي لوبډله د کرکټ په درې اړخیزو سیالیو کې نن خپله درېیمه یو ورځنۍ لوبه له زمبابوې سره ترسره کړي.
د افغانستان، زمبابوې او پاکستان له ۱۹ کلنو کمعمره لوبډلو ترمنځ درې اړخیزه لوبلړۍ د مرغومي په څلورمه د زمبابوې په کوربهتوب پیل شوې ده.
له زمبابوې سره د افغان لوبډلې نننۍ لوبه د افغانستان پر وخت د غرمې ۱۲ بجې د هغه هېواد د پلازمېنې هرارې د سپورټ کلب لوبغالي کې ترسره کېږي.
دغهراز، په دغو سیالیو کې له کوربه زمبابوې سره د افغانستان لوبډلې لومړۍ لوبه د باران له امله بېپایلې پای ته ورسېده او په دویمه لوبه کې یې له پاکستانه ماتې وخوړه.
د یادونې ده، افغان لوبډله په دغو سیالیو کې خپله څلورمه لوبه د ۲۰۲۶ کال د جنورۍ په دویمه له پاکستان سره ترسره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP