کابل (پژواک، د سلواغې لومړۍ نېټه ۱۴۰۴): له ۱۹ کلنو د کمعمره لوبډلو نړۍوال جام سیالیو په لړ کې افغانستان خپله درېیمه لوبه نن له تانزانیا سره ترسره کوي.
له ۱۹ کلنو د کمعمره لوبډلو پنځوساوریز نړۍوال جام سیالۍ د افغانستان په ګډون د ۱۶ لوبډلو ترمنځ د زمبابوې او نمیبیا په کوربهتوب روانې دي.
د افغانستان کرکټ بورډ ویلي چې افغان لوبډله به په دې سیالیو کې خپله درېیمه لوبه نن غرمه ۱۲ بجې د تانزانیا لوبډلې پر وړاندې ترسره کړي.
په دغو سیالیو کې افغان لوبډله د سوېلي افریقا، ويسټانډیز او تانزانیا له لوبډلو سره په یوه ګروپ کې لوبېږي.
دغهراز، افغان لوبډلې په دغو سیالیو کې سوېلي افریقا او ویسټانډیز لوبډلو ته ماتې ورکړې او د دغو سیالیو بل پړاو ته یې وار له مخه لار پیدا کړې ده.
GET IN TOUCH
NEWSLETTER
SUGGEST A STORY
PAJHWOK MOBILE APP