غزنيښار (پژواک، ۱۹ سلواغه ۱۴۰۴): غزني کې سیمهییز مسوولین وایي چې په دغه ولایت کې د شاوخوا شل میلیون افغانیو په لګښت د اوبو رسولو درېیو شبکو جوړولو چارې پیل شوې.
د غزني د کلیو بیارغونې او پراختیا رییس مولوي محمدقاسیم امیني پژواک ته وویل چې یادې شبکې د ډاکار مؤسسې په همکارۍ او د نړۍوال بانک په مالي ملاتړ په زنخان، اببند او وليمحمد شهید ولسوالیو کې جوړېږي.
هغه وویل چې د یادو شبکو په جوړېدو سره به سلګونه کورنۍ پاکو اوبو ته له لاسرسی پیدا کړي.
د امیني په خبره، د یادو شبکو د تطبیق پر مهال به سلګونه کسانو ته د کار زمینه هم برابره شي او د پروژو له بشپړېدو سره به د یادو سیمو د اوسېدونکو د څښاک اوبو ستونزه تر ډېره حل شي.
GET IN TOUCH
NEWSLETTER
SUGGEST A STORY
PAJHWOK MOBILE APP