کابل (پژواک، ۴ وری ۱۴۰۴): د اطلاعاتو او فرهنګ وزارت وایي، د کوچني اختر ورځو کې شاوخوا ۲.۳ میلیونه کورنیو او بهرنیو سیلانیانو د هېواد له تفریحي سیمو او طبیعي جاذبو لیدنه کړې ده.
د یاد وزارت خبرپاڼه کې راغلي چې د سیلانیانو دغه شمېر د تېرو کلونو په پرتله د پام وړ زیاتوالی ښيي او د سیاحت د ودې او پیاوړتیا څرګندونه کوي.
د اطلاعاتو او فرهنګ ریاستونو مسوولینو د چاپېریالساتنې، د عامه ځایونو د پاکوالي او د سیاحتي جاذبو د ساتنې لپاره د خلکو پر همکارۍ د ټینګار ترڅنګ ویلي چې د امنیتي ادارو په پوره همکارۍ او هڅو سیلانیانو د کوچني اختر په ورځو کې د هېواد ګوټ ګوټ ته په پوره ډاډ سفرونه وکړل.
یاد وزارت لیکلي چې هڅې کوي د هېواد په کچه د ګرځندوی سکټور پراخ، پیاوړی او سیلانیانو ته لا زیاتې اسانتیاوې برابرې کړي.
GET IN TOUCH
NEWSLETTER
SUGGEST A STORY
PAJHWOK MOBILE APP