کابل (پژواک، ۲۱ وری ۱۴۰۵): د راپورونو له مخې، متحده عربي اماراتو افغانستان ته ۹۶ ټنه درمل او طبي تجهیزات را استولي دي.
عربي رسنيو راپور ورکړی چې دا مرستې به د درېيو مياشتو په موده کې د اساسي روغتيايي خدمتونو په برابرولو سره له ۲۵۰ زرو زيات کسان تر پوښښ لاندې راولي.
په راپور کې راغلي چې دا مرسته د متحده عربي اماراتو د رئيس، شيخ محمد بن راشد آل مکتوم، په سپارښتنه لېږل شوې ده.
د راپور له مخې، دا محموله چې د دوبۍ له آل مکتوم نړۍوال هوايي ډګره لېږدول شوې، د روغتيا نړۍوال سازمان، د بې پولې ډاکترانو او د ملګرو ملتونو د ماشومانو د ملاتړ صندوق (يونيسف) مرستندوی توکي هم په کې شامل دي.
