کابل (پژواک، ۲ غویی ۱۴۰۵): د غزني امنیه قومانداني وایي چې د دغه ولایت په قرهباغ او واعظ ولسوالیو کې د دوو ترافیکي پېښو له امله درېیو کسانو ژوند له لاسه ورکړی او اته نور ټپیان شوي دي.
د غزني د امنیې قومانداني خبرپاڼه کې راغلي چې لومړۍ پېښه د قرهباغ ولسوالۍ اړوند د کابل – کندهار پر لویه لار په «کوټې» سیمه کې د باروړونکي او مسافر وړونکي موټرو د ټکر له امله شوې ده.
سرچینه زیاتوي چې په دې پېښه کې اووه کسان ټپیان شوي دي.
خبرپاڼه کې راغلي چې دویمه پېښه واغظ ولسوالۍ ته پر غځېدلي سړک د کډوالو ښارګوټي ته نږدې د یوه موټر چپه کېدو له امله شوې ده.
سرچینې لیکلي چې په دې پېښه کې درېیو کسانو ژوند له لاسه ورکړی او یو بل ټپي شوی دی.
