د لغمان چارواکي وایی، د دغه ولایت په مرکز کې د مهترلام بابا زیارت لپاره د کانال د پخولو چارې پیل شوې.

د غزني خبریالانو د دغه ولایت له مسوولینو سره خپلې ستونزې او غوښتنې شریکې کړې او معلوماتو ته پر لاسرسي او د نورو ستونزو هواري په اړه یې ټینګار وکړ.

د کورنيو چارو سرپرست وزير وايي، ځيني اشخاص له خپل مسوولیته په استفادې نظام او ولس ننګوي چې دا کار د تأسف وړ دی، خو دوی اجاره نه ورکوي چې خلک په مختلفو پلمو له خپلو حقونو محروم او وځورول شي.

په لغمان او نورستان ولایتونو کې له ۸۲۰۰ بې‌وزله کورنيو سره د خوراکي توکو مرسته وشوه.

د جوزجان امنیتي مسوولین وایي، د یوه ماشوم مړی یې موندلی چې ۲۲ ورځې وړاندې د دغه ولایت د مرکز شبرغان ښار په «پل خراسان» سیند کې ډوب شوی و.

د سرپل د پوهنې مسوولین وایي، د دغه ولایت د پوهنې ریاست په تشکیلاتو کې د ښوونکو او اداري کارکوونکو ۷۱۸ نوي بستونه ور زیات شوي چې په ګومارلو سره به یې د پوهنې د اداري کارکوونکو او ښوونکو د کمښت ستونزه ۶۰ سلنه هواره شي.

په هلمند کې له ۵۰۰ بې‌وزلو کورنیو سره د غیرخوراکي توکو، پنجشېر کې له ښوونځيو سره د ۸۲ خېمو، فراه کې له ۳۸۳ کورنیو سره د نغدو پیسو او میدان وردګو کې له ۴۵۰ اړو کورنیو سره د روغتیایي بستو مرسته شوه.

ریاست‌الوزراء له هېواده بهر له ټاکلې اندازې پورته د ډالرو پر وړلو د بندیز اعلان ترڅنګ، له هېوادوالو غوښتي چې د راکړې ورکړې پر مهال ملي کرنسي (افغانۍ) وکاروي.

اسلامي امارت د ترکيې له زلزله‌ځپلو سره لس میليونه افغانۍ او د سوريې له زلزله‌ځپلو سره پنځه ميليونه افغانۍ مرسته اعلان کړه.

د بهرنیو چارو وزارت په ترکيې او سوريې کې د زلزلې له امله له دغو دواړو هېوادونو سره غمشريکي وښوده او له اسلامي هېوادونو او نړۍوالو مرستندويه ادارو یې وغوښتل چې د زلزلې له قربانيانو سره مرستې وکړي.

په پکتیا، پکتيکا، لوګر او فراه کې له ۱۶۲۸۷ کورنيو سره د نغدو پيسو، فراه، لغمان او نورستان کې له ۶۱۴۱ کورنيو سره د خوراکي توکو مرستې وشوې.

د ننګرهار د دره نور ولسوالۍ سلګونه اوسېدونکو په سويډن کې د قرآن کريم د سوځولو په غبرګون لاريون وکړ او د سويډن په حکومت يې غږ وکړ چې د دغه کار عامل دې مجازات کړي.