لوګر د برېښنا ریاست مسوولین وايي چې د دغه ولایت د مرکز پل‌علم اړوند شپږو کلیو ته د برېښنا رسولو یوې پروژې چارې پیل شوې چې له بشپړېدو سره به یې شاوخوا ۲۶۰۰ کورنۍ له وارداتي او دوامداره برېښنا برخمنې ش

د کډوالو او راستنېدونکو چارو وزیر د ملګرو ملتونو د پرمختیایي ادارې له مرستیالې سره په لیدنه کې ویلي چې د ژمي په رارسېدو سره د راستنو شوو کډوالو ستونزې ډېرې شوې او په ګاونډیو هېوادونو کې هم د پاتې افغان کډوالو وضعیت د اندېښنې وړ دی.

پاکستاني رسنیو راپور ورکړی چې د دغه هېواد د پنجاب صوبې د فیصل‌اباد ښار د کیمیاوي توکو یوه فابریکه کې یوه بایلر چاودنه کړې چې له امله ۱۸ کسان وژل شوي او اووه نور ټپیان دي.

هند اعلان کړی چې د کابل – ډيلي او کابل – امریتسر هوايي مسیرونه بېرته فعال شوي او کارګو الوتنې به پر دغو مسیرونو ډېر ژر پیل شي.

د سرحدونو، قومونو او قبايلو چارو وزارت وايي چې په بادغيس ولایت کې د دوو قومونو ترمنځ یوه ۳۵ کلنه خونړۍ دښمني د دغه وزارت د یوه پلاوي په منځګړیتوب پای ته ورسېده.

د کډوالو ستونزو ته د رسېدنې عالي کمېسیون د راپور له مخې، تېره ورځ له ایران او پاکستان څخه نږدې شپږ زره کډوال په اجباري ډول هېواد ته راستانه شوي دي.

د کډوالو او راستنېدونکو چارو وزارت وايي چې په کابل کې یې نږدې زرو راستنو او بېځایه شوو کورنیو ته د خوراکي توکو د مرستو د وېش لړۍ پیل کړې ده.

په قرغيزستان کې د اسلامي امارت سفیر د هند له سفیر سره په لیدنه کې د دواړو هېوادونو ترمنځ د اړیکو پر پیاوړتیا، اقتصادي او سوداګریزو همکاریو، سیمه‌ییز اتصال، بشري مرستو او د دوه اړخیزو ډیپلوماتیکو تعاملاتو پر پراختیا خبرې کړې دي.

د بلخ د سوداګرۍ او پانګونې خونه وایي چې له افغانستانه اوزبېکستان ته د کرنیزو محصولاتو د صادراتو د پراختیا او اسانتیا په موخه یې د همکارۍ یو هوکړه‌لیک لاسلیک کړی دی.

جوزجان کې سیمه‌ییزو سرچینې وايي چې د دغه ولایت په اقچه ولسوالۍ کې د خلکو کرنیزو محصولاتو او لاسي صنایعو ته د بازارموندنې په موخه نندارتون پرانیستل شو.

د تاتارستان ولسمشر په روسیه کې د اسلامي امارت له سفیر سره په لیدنه کې له افغانستان سره د هر ډول اړیکو او همکاریو پراختیا ته چمتووالی ښودلی او ویلي یې دي چې هېواد یې کولای شي د افغانستان لپاره په تخنیکي او صنعتي برخو کې اړین توکي او خدمات برابر کړي.

د افغانستان د کرکټ الف «افغان ابدالیانو» لوبډلې په دویمه شل‌اوریزه تمریني لوبه کې د قطر ملي لوبډلې ته ماته ورکړه او نن ورسره خپله درېیمه لوبه ترسره کوي.