کرنه

د غزني کرنې ریاست وايي، سږ کال په دغه ولایت کې د انګورو حاصلات ۴۰۰ زره مټریک ټنه اټکل شوي چې د تېر کال په پرتله ۱۵ سلنه زیاتوالی ښيي.

دایکنډي کې مسوولین وایي چې سږ کال د دغه ولایت بڼوالو څه باندې ۲۵ زره مټریک ټنه بادام بازار ته وړاندې کړي چې د تېر کال په نسبت شاوخوا ۱۸ سلنه ډېروالی ښیي.

اروزګان کې یو شمېر هغه کروندګر چې سږ کال یې پر خپلو ځمکو خټکي او هندواڼې کرلي، له حکومته خپلو محصولاتو ته د بازار غوښتنه کوي.

بلخ کې یو شمېر ګروندګر وایي، د پنبې حاصلات یې طبیعي افتونو زیانمن کړي او له حکومته غواړي چې د دغو افتونو په له منځه وړو کې مرسته ورسره وکړي.

فاریاب کې بڼوال وايي چې سږ کال په دغه ولایت کې د انګورو حاصلات د پام وړ ډېر دي، خو بیه یې د تېر کال په نسبت څه باندې ۵۰ سلنه ټیټه ده او کوم عاید چې له باغونو ترلاسه کوي، یوازې هغه شوی لګښت یې هم نه پوره کوي.

د بهرنیو چارو وزارت سیاسي مرستیال وايي چې د هېواد د کرنې او مالدارۍ برخو د پام وړ پرمختګ کړی او د تازه مېوې او سبزیو د صادرولو برخه کې ستونزې به هم هوارې شي.

د خوست د جلغوزیو اتحاديې مسوولین وايي چې سږ کال په دغه ولایت کې د جلغوزیو حاصلات ۳۵۰۰ ټنه اټکل شوي چې د تېر کال په پرتله زیاتوالی ښیي.

د هلمند د یو شمېر ولسوالیو اوسېدونکي وایي، په سیمو کې یې د کانالونو نشتوالي له امله ډېره اندازه کرنیزه ځمکه له کښته پاتې ده او هغه کانالونه چې څو لسیزې مخکې جوړ شوي دي، بیارغونې او پاک‌کارۍ ته اړتیا لري.

د کرنې، اوبولګولو او مالدارۍ وزارت مرستيال وايي چې افغانستان اوس د کرنې او مالدارۍ په ډېرو برخو کې ځان بسياينې ته رسېدلی چې ورسره لسګونه زره کسانو ته د کار زمينه هم برابره شوې ده.

د کندوز د کرنې ریاست مسوولین وايي، سږکال په دغه ولایت کې ۲۰۰۶ مټریک ټنه انګور تولید شوي چې د تېر کال په پرتله ۹۰ سلنه ډېروالی ښیي.

د ننګرهار کانال شرکت وایي، سږ کال د دې ادارې اړوند د زيتونو په حاصلاتو کې درې چنده زياتوالی راغلی او ټاکل شوې چې تر ۱۳۰۰ ټنه د زيتونو دانې راټولې شي.

بغلان کې کروندګر وایي، حکومت په داسې حال کې له بزګرانو څخه اضافه شوي غنم پېري چې دغه ولایت کې د وریجو د حاصلاتو ټولولو وخت دی او له دوی سره اضافي غنم نه پیدا کېږي، دوی غوښتنه کوي چې د غنمو پر ځای دې ورڅخه وریجې وپېري.