کرنه

بامیان کې سیمه‌‌ییز مسوولین وايي چې د دغه ولایت په مرکز کې د اووه‌نیم میلیون افغانیو په لګښت د اوبو د یوه کرنیز کانال جوړېدو چارې بشپړې شوې او ګټې اخیستنې ته وسپارل شو.

د کرنې، اوبو لګولو او مالدارۍ وزارت د مالدارۍ او حیواني روغتیا د لوی رییس په مشرۍ یو پلاوی د حیواني روغتیا برخه کې په نړۍوال علمي او ساینسي کنفرانس کې د ګډون په موخه روسیې ته ولاړ.

د بلخ کروندګر او سوداګر په دغه ولایت کې د انجې بوټو او شیرې بیې بې‌ساري ټیټېدو اندېښمن کړي او له حکومته غواړي چې د بازارموندنې برخه کې مرسته ورسره وکړي.

د کرنې، اوبو لګولو او مالدارۍ وزارت وايي چې ناروې کمېټه په لسو ولایتونو کې دوه چک‌ډیمونه او لس سړې خونې جوړوي.

د کرنې، اوبولګولو او مالدارۍ وزارت وایي چې په ۱۴۰۲ کال کې د هېواد په کچه ۴،۳ میلیون مټریک ټنه غنم تولید شوي چې د تېر کال په پرتله ۱۳ سلنه زیاتوالې ښيي.

د کندهار د کرنې، اوبولګولو او مالدارۍ ریاست وایي، په دغه ولایت کې د ریحان کښت او حاصلات د تېر کال په پرتله شاوخوا دوه برابره ډېر شوي خو کروندګر یې له ټيټې بیې سر ټکوي او له حکومته غواړي چې بازار ورته پیدا کړي.

د ننګرهار کانال رياست وايي، په دغه ولايت کې به سږ کال تر درې زره ټنه مالټي تولید شي چې د تېر کال په پرتله ډېروالی ښیي.

د ایران سوداګرۍ مرکز مسوولینو په بلخ ولایت کې له یو شمېر سوداګرو سره په ليدنه کې ویلي، هوډ لري په افغانستان کې د کرنې ميکانيزه کولو او نورو برخو کې له کروندګرو سره مرسته وکړي.

د کرنې، اوبولګولو او مالدارۍ وزارت وایي چې د دغه وزارت له پلاوي سره په لیدنه کې د ازبکستان سوداګرۍ وزارت چارواکو د دوه اړخیزو سوداګریزو اړیکو پر پراختیا ټینګار کړی دی.

د افغانستان او ازبکستان ترمنځ د کرنې برخه کې د همکارۍ درې هوکړه‌لیکونه لاسلیک شوي چې له مخې دغه هېواد د افغانستان پر ۱۶۰۰ هکتاره ځمکه باغونه جوړوي او کښتونه به کوي.

د اسلامي امارت ویاند ذبیح‌الله مجاهد ويلي چې د کرنې او مالدارۍ وزارت د ازبکستان کرنې له پوهنتون سره د زده‌کړو او تجربو شریکولو برخه کې هوکړه‌لیک لاسلیک کړی دی.

ځایي مسوولینو په کندهار کې د زعفرانو یوه ورځني نندارتون پرمهال وویل چې ددغه ولایت په ۴۴۱ جریبه ځمکه باندې زعفران کرل شوي دي.