د ریاستالوزراء اقتصادي مرستیال کابل ښار ته د پنجشېر له سینده د اوبو د لېږد په اړه له یوه خصوصي شرکت سره ناسته کړې او ویلي یې دي چې د دغه ښار د اوبو ستونزې هواري لپاره جدي هڅې کوي.
د لوګر د کانونو او پټرولیم ریاست مسوولین وايي، د دغه ولایت په محمداغه ولسوالۍ کې د یوه خصوصي شرکت لهخوا د ۱۴ میلیون افغانیو په پانګونې د کرومایټ ډبرو د پروسس یوه کارخونه جوړه شوه.
د ریاستالوزرا اقتصادي معاونیت وایي چې اوسمهال په افغانستان کې د اوړو د تولید شاوخوا ۲۰۰ فابریکې فعالیت کوي او د هېواد د اړتیا وړ شاوخوا ۶۰ سلنه اوړه په کور دننه تولیدېږي.
د افغانستان او اوزبیکستان ترمنځ د ۲۴۳ میلیونه ډالرو په ارزښت د برېښنا د څلورو پروژو تړونونه لاسلیک شول چې د دغو پروژو په بشپړېدو سره به افغانستان له اوزبیکستانه له ۸۰۰ تر ۱۰۰۰ مېګاواټه…
د افغانستان د سټنډرډ ملي اداره وایي، د فراه له ۷۸ میل بندر څخه یې ۵۲ ټنه بېکیفیته ودانیز توکي بېرته ایران ته ګرځولي دي.
د ریاستالوزرا اقتصادي معاونیت وایي چې اوسمهال په هېواد کې د لوی مقیاس ۲۹ او د کوچني مقیاس ۱۷۵ کانونو د اکتشاف او استخراج چارې روانې دي چې شاوخوا ۱۷۰ زره کسانو ته پهکې د کار زمینه برابره شوې ده.
نن په کابل ښار کې د تېرو اوو ورځو په نسبت د پټرول او ډېزل تېلو بیې لوړې شوې خو د سرو زور او اوبلن ګاز بیې ټيټې شوې دي.
د افغانستان د صنعت او سوداګرۍ وزارت سرپرست نورالدین عزیزي د قرغیزستان له لومړي وزیر سره د لیدنې پر مهال هغه ته بلنه ورکړې څو د دواړو هېوادونو ترمنځ د اړیکو پراختیا په موخه کابل ته سفر وکړي.
د روان لمریز کال په نهمه داوطلبۍ کې د پنجشېر ولایت له کانونو استخراج شوي ۲۵۳۹ قیراطه زمرد د ۳۴۷ زره او ۸۵۰ امریکايي ډالرو په ارزښت وپلورل شول.
هرات کې د اوسپنې ویلې کولو کارخونو یو شمېر مالکین وايي چې د ځوانانو له بیا کډوال کېدو د مخنیوي او تازه راستانه شوو کډوالو ته د کاري فرصتونو برابرېدو لپاره ځیني پلانونه لري؛ هغوی د برېښنا او لومړنیو توکو کمښت د خپلو کارخونو له عمده ستونزو بولي او له حکومته په دې برخه کې د ملاتړ غوښتنه کوي.
د عامې روغتیا وزارت وايي، په کابل کې یې یوه داسې فابریکه چې له پاکستانه وارد شوي غذايي او غیرغذايي تقلبي رنګونه یې د چینایي رنګ په نوم بستهبندي کول او بازار ته یې وړاندې…
د ټولګټو وزارت وايي چې د وروستۍ یوې اونۍ په اوږدو کې د هېواد اوسپنې پتلیو له لارې ۱۰۳ زره او ۲۶۳ مټریک ټنه انتقالات شوي دي.
د پنجشېر ولایت مقام وايي چې د شاوخوا لسو اسلامي هېوادونو یوې ډلې دیني علماوو او پانګهوالو د دغه ولایت له والي سره په لیدنه کې په افغانستان، په ځانګړې توګه پنجشېر کې د پانګونې پر جلبولو ټینګار کړی او د داسې یوې طرحې د تدوین خبر یې ورکړی چې پر بنسټ به یې د اسلامي هېوادونو ۲۵۰ شرکتونه په افغانستان کې نهه نهه سوه زره امریکايي ډالر پانګونه کوي.
د ننګرهار د کرنې، اوبولګولو او مالدارۍ ریاست وایي، تورخم ته له پاکستانه راوارد شوي ۱۵ ټنه ليمو چې د استفادې وړ نه وو، بېرته دغه هېواد ته ګرځول شوي دي.
د مالیې وزارت وایي، تېره چنګاښ میاشت د هېواد یو شمېر ګمرکونو ته وارد شوي ۱۶۶ ټانکره بېکیفیته نفتي توکي بېرته ګرځول شوي دي.
په غزني ولایت کې د یوه پانګهوال له لوري د دوهنیم میلیون امریکايي ډالرو په پانګونه د اوړو د تولید یوه معیاري کارخونه پرانیستل شوه.
د مالیې وزارت وایي چې د ګمرکي سرغړونو مخنیوي په موخه د هېواد په شپږو ګمرکونو کې ۲۱۵ امنیتي کامرې نصب او فعاله شوې. د مالیې وزارت خبرپاڼه کې راغلي چې دغه کامرې د ګمرکونو…
نن په کابل ښار کې د تېرو اوو ورځو په پرتله د قزاقي اوړو بیه ټیټه خو د سروزرو بیه لوړه شوې ده. کابل ښار کې د خوراکي توکو د سوداګرو اتحادیې رییس زمري صافي…
د صنعت او سوداګرۍ وزارت وايي چې د افغانستان او تاتارستان ترمنځ د ۱۸۳ میلیون امریکايي ډالرو په ارزښت په نفتي او ساختماني برخو کې سوداګریز هوکړهلیکونه لاسلیک شول.
د افغانستان د صنعت او سوداګرۍ وزارت سرپرست په کابل کې د اندونیزیا سفارت له شارژدافیر سره د دواړو هېوادونو ترمنځ د اقتصادي او سوداګریزو اړیکو پر پیاوړتیا او د خصوصي سکټور د غړو د همغږۍ او پانګونې د فرصتونو په اړه خبرې کړې دي.
د سمنګان په مرکز ایبک ښار کې ۲۳ کلنه فرزانه مراد چې د خیاطۍ او لاسي صنایعو د یوې کارګاه په رامنځته کولو یې یو شمېر نورو ښځو او نجونو ته د زدهکړو او کار زمینه برابره کړې، پر دې باور ده چې د هڅو، زغم او نوښت له لارې کولای شو محدویتونه د ځان لپاره په فرصت بدل کړو.
د غزني ولایت د کرنې او مالدارۍ ریاست وایي چې د دغه ولایت په مرکز کې د کورنیو تولیداتو ودې او بزګرانو ته د سوداګریزو فرصتونو برابرولو په موخه د کرنیزو محصولاتو او لبنیاتو یو…
د ارشاد، حج او اوقافو وزارت مسوولین وايي، د هغو حاجیانو د پاتې پیسو ورکولو لړۍ چې په ۱۴۰۴ کال کې د حج فریضې ادا کولو لپاره سعودي عربستان ته تللي وو، سبا (چهارشنبه) پیلېږي.
د عامې روغتیا وزارت د درملو او خوړو معینیت څېړنې ښيي چې د ډېری محفلي کېکونو په تزیین او ډیزاین کې فلزي رنګونه کارول کېږي او د دغو کېکونو له حده ډېره استفاده کولای شي د حساسیت، مزمنو ناروغیو او ان د سرطان لامل شي.
