کابل کې د جاپان سفیر د افغانستان د روغتیا له برخې سره د همکارۍ پر دوام ټینګار وکړ
په کابل کې د جاپان سفیر د عامې روغتیا وزارت له سرپرست سره لېدنه کې ویلي، هېواد به یې د تېر په څېر د افغانستان د روغتیا له برخې سره خپلو همکاریو ته دوام ورکړي.
روغتیا
راپورونه
تېرو دوو میاشتې کې د کندوز انتاني روغتون کې ۱۲ ناروغان مړه شوي
د کندوز د انتاني روغتون مسوولین وايي چې له تېرو دوو میاشتو راهیسې په دغه روغتون کې څه باندې ۹۰۰ ناروغان بستر شوي چې له ډلې یې ۱۲ کسان مړه شوي دي.
روغتیا وزارت: دا مهال ټول هېواد کې د ۳۲۰۰ سایټونو له لارې پر خوارځواکۍ اخته کسانو ته خدمات وړاندې کېږي
د افغانستان عامې روغتیا وزارت وايي چې واک ته د ا.ا له رسېدو مخکې په هېواد کې پر خوارځواکۍ د اخته کسانو لپاره د خدماتو وړاندې کولو یوازې ۸۰۰ سایټونه موجود وو، خو اوس دغه شمېر ۳۲۰۰ سایټونو ته رسېدلی چې له لارې یې پر خوارځواکۍ اخته ماشومانو او میندو ته روغتیايي خدمتونه وړاندې کېږي.
بلخ کې تېرو پنځو میاشتو کې د کانګو ۳۶ پېښې ثبت شوې
د بلخ روغتيايي مسوولین وایي، په تېرو پنځو میاشتو کې په دغه ولايت کې د کانګو ناروغۍ ۳۶ مثبتې پېښې ثبت شوې چې له ډلې يې درې کسان مړه شوي دي.
«له اوبو ډېره او له سره کړو خوړو او مالګې کمه استفاده مو د پښتورګو روغتیا تضمینوي»
ډاکټران وایي چې پښتورګو کې د ډبرو پیدا کېدو مخنیوي په موخه بايد اوبه ډېرې وڅښل شي، مالګه او سره کړي خواړه دې کم استفاده شي.
د سوېلي افریقا یوه روغتیايي پلاوي افغانستان کې د یوه مجهز روغتون جوړولو ژمنه کړې
د سوېلي افریقا یو شمېر پانګهوالو د افغانستان د کانونو سکټور کې پانګونې ته لېوالتیا ښودلې او د روغتیايي برخې متخصصینو یې ویلي چې افغانستان کې معیاري او مجهز روغتون جوړوي.
د عامې روغتیا وزارت ویاند: موږ د کولرا ناروغۍ مثبته پېښه نه لرو
د عامې روغتیا وزارت وایي، ځینو رسنیو د روغتیا نړۍوال سازمان راپور ناسم خپور کړی؛ ځکه راپور کې افغانستان کې د ارقامو اړوند د حادو اسهالاتو (AWD) کلمه استفاده شوې چې د کولرا له یقیني او تثبیت شوو شمېرو سره ربط نه لري.
د خوست لرو پرتو سیمو خلک: د نسايي ولادي خدمتونو نشتوالي له امله له ستونزو سره مخ یو
د خوست د لرو سیمو يو شمېر اوسېدونکي وايي، د لومړنيو روغتيايي خدمتونو په ګډون نسايي ولادي خدماتو ته هم لاسرسی نه لري.
غور کې ډاکټران: د پاکوالي په رعایتولو سره د اسکبیس ناروغۍ خپرېدو مخنیوی وکړئ
غور کې ډاکټرانو او مسوولینو په دغه ولایت کې د اسکبیس جلدي ناروغۍ د پېښو ډېرېدو خبره کوي او له خلکو غواړي چې د پاکوالي په رعایتولو سره د دې ناروغۍ خپرېدو مخنیوی وکړي.
ډاکټران: د څارویو حلالولو پر مهال دې له دستکش، ماسک او ځانګړو جامو استفاده وشي
د لوی اختر په رارسېدو سره ډاکټران د کانګو ناروغۍ پېښو پر ډېرېدو اندېښنه څرګندوي او سپارښتنه کوي چې د مخنیوي لپاره یې باید د څارویو حلالولو پر مهال له دستکش، ماسک، عینکو او اوږدو جامو استفاده وشي.
پکتیا کې د کانګو ناروغۍ له امله یوه ښځه مړه شوې
د پکتيا عامې روغتيا رياست وايي چې د دغه ولايت په څمکنيو ولسوالۍ کې یوه ښځه د کانګو ناروغۍ له امله مړه شوې ده.
بلخ کې په تېرو شپږو میاشتو کې څه باندې درې میلیونه سيسي وینه راټوله شوې ده
د مزارشریف ابوعلي سینا بلخي حوزوي روغتون مسوولین وایي چې په تېرو شپږو میاشتې کې یې له ۷۵۰۰ کسانو درې میلیونه ۳۸۳ زره سيسي وینه راټوله کړې ده.
په کندهار کې د سرطان ناروغانو لپاره د وینې راټولولو کمپاین ترسره شو
سېمهییز مسوولین وايي، په کندهار ښار کې د وینې سرطان ناروغانو لپاره د وینې راټولولو کمپاینترسره شو چې په ترڅ کې یې ۶۷ زره سيسي وینه را ټوله شوه. دغه کمپاین د کندهار ولایت د…
هرات کې سلګونه روږدي له ۱۶ میاشتنۍ درملنې وروسته بېرته له خپلو کورنیو سره یوځای شول
هرات کې ځايي مسوولین وايي، په دغه ولایت کې د نشهیي توکو ۱۳۰۰ روږدي له یوه مراقبتي او درملیز پړاو وروسته بېرته له خپلو کورنیو سره یوځای شول.
تېرو پنځو میاشتو کې په ټول هېواد کې څه باندې ۲۰۰ کسان د کانګو پر ناروغۍ اخته شوي
د افغانستان د عامې روغتیا وزارت وايي چې د روان زېږدیز کال په تېرو پنځو میاشتو کې د هېواد په کچه ۲۰۳ کسان د کانګو پر ناروغۍ اخته شوي چې له ډلې یې شپږ کسان مړه شوي دي.
ننګرهار کې ۱۸ ټنه تاريختېر او بېکيفيته خوراکي توکي او درمل وسوځول شول
د ننګرهار ولايت د صنعت او سوداګرۍ رياست له لوري په تېرو پنځو مياشتو کې راټول شوي ۱۸ ټنه بېکيفيته او تاريختېر خوراکي توکي او درمل وسوځول شول.
ننګرهار کې د ترکي ډاکټرانو له خوا د سترګو ۳۱۰ وړیا عملیات شوي
د ننګرهار د عامې روغتيا ریاست وايي چې ترکي ډاکټرانو د دغه ولایت په شینوارو ولسوالۍ کې د ۳۱۰ کسانو د سترګو وړیا عملیات کړي دي.
ټول هېواد کې د ګوزڼ واکسین کمپاین پیل شو
د عامې روغتیا وزارت وایي، په ټول هېواد کې د ګوزڼ (پولیو) واکسین کمپاین پیل شو چې په ترڅ کې به يې څه باندې ۱۱ میلیون ماشومان واکسین شي.
هرات کې د سترګو ناروغانو د وړیا درملنې لړۍ پیل شوه
یو خیریه بنسټ د افغاني سرې میاشتې په همکارۍ هرات ولایت کې د سترګو ناروغانو د وړیا درملنې څلور ورځنی کمپاین پیل کړی دی.
جلالي: نړۍوال بنسټونه دې د روغتیا له وزارت سره خپلو همکاریو ته دوام ورکړي
د عامې روغتیا نوي سرپرست وزیر خلکو ته د روغتیایي خدمتونو وړاندې کولو برخه کې پر ژمنتیا د ټینګار ترڅنګ له نړۍوالو بنسټونه غوښتي چې له دغه وزارت سره خپلو همکاریو ته دوام ورکړي.
د سردار محمد داوود خان ۴۰۰ بستریز روغتون کې په لومړي ځل د زړه جراحي څانګه پرانیستل شوه
د افغانستان ملي دفاع وزارت خبر ورکړی چې د شهید سردار محمد داوود خان په ۴۰۰ بستریز روغتون کې په لومړي ځل د زړه جراحي څانګه پرانیستل شوه.
کارپوهان: خوراکي توکي په ځانګړې توګه ګرم خواړه باید پلاستیکي کڅوړو کې ونه لېږدول شي
کارپوهان د پلاستیکي کڅوړو کارول روغتیا، چاپېریال او کرنې لپاره مضر بولي او وايي، کارول یې نورو هېوادونو کې محدوده شوي، افغانستان کې هم باید محدود شي او د خلکو د پوهاوي کچه لوړه شي څو د هغو پر ځای له تکهیي یا کاغذي کڅوړو کار واخلي.
خلک: د صبریو ولسوالۍ روغتیايي مرکز ځینې برخې له فعالېدو مخکې تخریب شوې دي
د خوست د یعقوبیو صبریو یو شمېر اوسېدونکي وايي چې په دې ولسوالۍ کې کلونه مخکې د یوه ۳۰ بستریز روغتون لپاره ودانې جوړ شوې، تر اوسه فعال شوی نه دی خو ځینې برخې یې نړېدلي دي.
نورجلال جلالي د قلندر عباد پر ځای د عامي روغتیا وزارت سرپرست وټاکل شو
د اسلامي امارت د مشرتابه د حکم له مخې، د عامې ورغتیا وزارت ته نوی سرپرست، کورنیو چارو وزارت ته اداري مرستیال او سمنګان او فاریاب ولایتونو ته نوي والیان وټاکل شول.
