دین او کلتور

د غزني ولایت په مقر ولسوالۍ کې د شاه امان‌الله خان په تاریخي ماڼۍ کې د اطلاعاتو او فرهنګ ریاست له لوري کتابتون جوړ او د خلکو پر مخ پرانیستل شو.

د کونړ یو شمېر لیکوالان او شاعران وایي، د اقتصادي ستونزو له امله نه شي کولای خپل لیکل شوي اثار چاپ کړي او غوښتنه کوي چې حکومت او ملي سوداګر دې ورسره په دې برخه کې مرسته وکړي.

د زندانونو چارو د سمون ادارې د پالیسۍ او مسلکي چارو مرستیال وايي، پر داسې یوه کړنلاره کار روان دی چې له مخې به یې هغه زندانیان چې د زده‌کړو بهیرکې برخه واخلي، د حبس موده یې کمېږي.

د ا.ا چارواکو کابل کې یوه غونډه کې د رسنیو پر ملاتړ او پیاوړتیا ټینګار وکړ او  د بهرنیو چارو وزارت سیاسي مرستیال وویل چې «حکومت باید رسنیو ته په وړو، وړو شیانو ستونزې جوړې نه کړي.»

د اطلاعاتو او کلتور وزارت نشراتي مرستیال وايي چې له رسنیو سره دې اطلاعاتو ته د لاسرسي او د نورو ستونزو د حل برخه کې همکاري وشي.

د پکتيا مرستیال والي وايي، د ولايت په کچه رسنيو او خبريالانو ته د معلوماتو ورکولو ترڅنګ له هغوی سره د مالي او نورو ستونزو په حل کې هم همکاري کوي.

د امر بالمعروف، نهی‌ عن المنکر او د شکایتونو اورېدلو وزارت وایي، د ارزو ټلویزیون د اسلامي ارزښتونو او ملي عنعناتو سره په ټکر کې کړنې ترسره کولې او د تړل کېدو پرېکړه یې د ټولنیز نظم د ټینګښت لپاره شوې ده.

د ۲۶ کلن حسیب‌الله زهیر سترګې لید نه لري، خو د زړه په سترګو یې نړۍ ځان ته دومره روښانه کړې چې د یوه بینا انسان په څېر یې لوړې زده‌کړې کړې، د قران‌کریم تفسیر او د تاریخ ځیني مهم کتابونه په بریل خط لیکي او هڅه کوي د نورو نابینایانو لپاره هم د هیلو نوې لارې پرانیزي.        

د لغمان په مرکز مهترلام کې د محمدعیسی سعد په نوم یو لیکوال وايي، ۴۱ بېلابېل عنوانه کتابونه یې لیکلي خو د چاپولو توان یې نه لري، هغه له حکومت او شتمنو هېوادوالو غواړي چې په دې برخه کې مرسته ورسره وکړي.

د لوګر اطلاعاتو او فرهنګ ریاست او د دغه ولایت د یو شمېر فرهنګیانو په هڅو په مرکز پل‌علم کې د لومړي ځل لپاره د «ګوهري» په نوم ادبي بهیر پرانیستل شو.

یوناما په یو راپور کې وايي، رسنۍ په افغانستان کې له محدودیتونو سره مخ دي، خو د ا.ا ویاند دغه راپور ته په غبرګون کې د رسنيو له خوا اسلامي ارزښتونو او ملي ګټو ته په درناوي ټینګار کوي، وایي چې د افغانستان اړوند مسایلو ته باید د لویدیځو هیوادونو له عینکو ونه کتل شي.

د اطلاعاتو او فرهنګ وزارت وایي، د جهادي ارزښتونو او تاریخ د ژوندي ساتلو په موخه د جهادي ارزښتونو د ساتنې عمومي ریاست جوړ او په فعالیت یې پیل وکړ.