ټولنه

هرات کې یوه خیریه بنسټ د دغه ولایت بې‌وزلو ځوانانو ته سل وړیا تحصیلي بورسونه اعلان کړي دي.

د افغانستان د کډوالو او راستنېدونکو چارو وزارت د ۲۹۵ زره او ۲۳۲ امریکايي ډالرو په ارزښت له یوې موسسې سره د هوکړه‌لیک له لاسلیکېدو خبر ورکړی دی.

د عدلیې وزارت وایي، د امر بالمعروف او نهي عن‌المنکر قانون د اسلامي امارت د مشرتابه له لوري له توشیح وروسته نافذ او په رسمي جریده کې خپور شو.

د کونړ د والي مرستیال په دغه ولایت کې د یو شمېر رسنيو له خبريالانو سره په ناسته کې ویلي، له خبریالانو سره هر ډول همکارۍ ته ژمن دي او هڅه کوي پر وخت کره او دقیق معلومات ورکړي.

د شهیدانو او معلولینو چارو وزارت مسوولین وایي، د تېر یوه کال په موده کې د افغانستان په کچه له ۶۱۲ زره ډېرو کونډو، یتیمانو او معلولینو ته څه باندې ۱۵ میلیارده، ۴۰۷ میلیون او ۳۸۲ زره افغانۍ حقوق ورکړل شوي دي.

د امر بالمعروف، نهی‌عن‌المنکر او د شکایتونو اورېدلو وزارت سرپرست بغلان ولایت کې یوه غونډه کې له مسوولینو غوښتي چې له مشرانو د اطاعت ترڅنګ په خپلو چارو کې له اخلاص، امانتدارۍ او دیانت څخه کار واخلي.

خوست کې د دوو کورنيو ترمنځ اوولس‌کلنه دښمني چې له امله يې اته کسان وژل شوي او ۱۳ نور ټپيان شوي، پر دوستي بدله شوه.

د اروزګان ځايي چارواکي وايي، د دغه ولایت چورې ولسوالۍ کې د قومي مشرانو او دیني عالمانو په منځګړیتوب د دوو کورنیو ترمنځ ۴۰ کلنه دښمني پای ته ورسېده.

د لغمان د کډوالو چارو ریاست مسوولین وایي، د دغه ولایت په مرکز مهترلام کې یې ۳۰ نابینا مېرمنو ته د زده‌کړو مرکز پرانیستی چې د زده‌کړو ترڅنګ به دوه وخته خواړه او میاشتنۍ پیسې هم ورکول کېږي.

د بشردوستۍ له نړۍوالې ورځې سره هم‌مهاله، د ملګرو ملتونو د بشري مرستو همغږي‌کوونکي دفتر یا اوچا ویلي چې په ۲۰۲۳ کال کې د نړۍ په ۳۳ هېوادونو کې ۲۸۰ مرستندویان وژل شوي دي.

سیمه‌‌ییز مسوولین وایي، په غزني، غور او اروزګان ولایتونو کې له څه باندې ۶۹۰۰ اړمنو کورنیو سره د خوراکي توکو مرسته وشوه.

د خوست په موسی‌خېلو ولسوالۍ کې د دوو کورنيو ترمنځ ۵۰ کلنه دښمني پر دوستي بدله شوه.