ټولنه

د اطلاعاتو او فرهنګ وزارت وایي، په ځینو ولایتونو کې د رسنیزو ستونزو د حل په موخه کمېته وټاکل شوه، ترڅو اړوندو ولایتونو ته سفر وکړي او ستونزې له نږدې وڅېړي.

په بغلان ولایت کې د سرحدونو، قومونو او قبایلو چارو وزارت له لوري د یوې جوړې شوې ولسي غونډې ګډونوالو پر قومي یووالي ټینګار وکړ.

اروزګان ولایت کې د یوې غونډې ګډونوالو له حکومتي او غیرحکومتي ادارو وغوښتل چې ځوانانو ته د کاري زمینو برابرولو ته لومړیتوب ورکړي او د ګومارنې پرمهال د اړیکو پرځای وړتیا په پام کې ونیسي.

د غزني په مرکز کې د دوو قومونو ترمنځ یو کلنه دښمني د حکومتي مسوولینو، دیني عالمانو او قومي مشرانو په منځګړیتوب پای ته ورسېده.

نیمروز کې د محمدعارف په نوم یو ځوان چې له پنځو کلونو راهیسې پر نشه‌یي توکو روږدی و، وايي، شپږ میاشتې کېږي چې د نشه‌یي توکو کارول یې پرېیښي او اوس د جوارو خرڅولو له لارې د خپلې کورنۍ نفقه پیدا کوي.

د افغانستان د برېښنا شرکت اجرائیوي رییس وایي، هڅې روانې دي چې د کابل ښار او شاوخوا سیمو برېښنا تر دوو راتلونکو کلونو پورې ۲۴ ساعته شي.

د غزني په ناور ولسوالۍ کې د کوچیانو او هزاره قومونو ترمنځ اته کلنه دښمني د حکومتي مسوولینو، دیني عالمانو او قومي مشرانو په منځګړیتوب پای ته ورسېده.

د ریاست‌الوزراء اداري مرستیال د ملګرو ملتونو سازمان د ځانګړي استازي له مرستیال سره په ليدنه کې ویلي، اسلامي امارت د اقتصادي ودې، ځوانانو ته د کاري فرصتونو برابرولو او په بېلابېلو سیمو کې د پرمختیایي پروژو پلي کولو برخو کې په خپل ټول توان هڅه کوي.

د غور د پاسپورټ په اداره کې مسوولین د روان کال په تېرو شپږو میاشتو کې په دغه ولایت کې د ۱۷ زره ټوکه پاسپورټونو له وېشل کېدو خبر ورکوي چې له درکه یې څه باندې ۹۲ میلیون افغانۍ عواید ترلاسه شوي دي.

د فراه ولایت په اناردره ولسوالۍ کې د دوو کورنیو ترمنځ نهه کلنه دښمني د قومي مشرانو او حکومتي مسوولینو په منځګړیتوب پای ته ورسېده.

د کار او ټولنیزو چارو وزارت وایي چې د زیانمنو او بې‌سرپرسته ښځو لپاره په حمایوي مرکزونو کې د روغتیايي، رواني، خوړو او سرپناه خدمتونو وړاندې کولو په موخه یې د اماراتي ادارو ترمنځ شپږ اړخیزه هوکړه‌لیک لاسلیک کړی دی.

د ننګرهار د عامې روغتيا رياست له لوري د ناروې کمېټې په مالي ملاتړ د معلولينو د درملنې او د بدن د مصنوعي غړو جوړولو روغتون بېرته فعال شو.