ټولنه

د لغمان ولایت سیمه‌ییز مسوولین وایي چې د دغه ولایت قرغیو ولسوالۍ اړوند قلعه ټکه نواباد سیمه کې ۱۴ کورنیو د «پیریانو» له لاسه خپل کورونه پرېیښي دي.

لوګر کې د دغه ولایت د اطلاعاتو او فرهنګ ریاست له لوري د مطالعې دودولو په موخه د کتابونو یو ورځنی نندارتون جوړ شو.

یو شمېر کابل ښاریان په داسې حال کې د اوبو له کمښته شکایت کوي چې د اوبو او برېښنا وزارت وايي، کابل ته د پنجشېر سیند اوبو د لېږد پروژې په پلي کېدو سره دغه ښار کې دوه میلیون کسان د څښاک پاکو اوبو ته لاسرسی پیدا کوي.

د غزني د قومونو او قبایلو چارو ریاست مسوولین وایي چې د دغه ولایت د ناور ولسوالۍ په برکي سیمه کې د کوچیانو د لعل‌زو او عبدالوالو قومونو ترمنځ د څرځایونو پر سر رامنځته شوې شخړه هواره شوه.

سیمه‌ییز مسوولین وایي چي په هلمند، فراه، لوګر او غزني ولایتونو کې له څه باندې ۷۷۰۰ کورنیو سره د خوراکي توکو مرسته وشوه.

د غزني په ناور ولسوالۍ کې د کوچیانو او هزاره قومونو ترمنځ ۱۶ کلنه دښمني د سیمه‌ییزو مسوولینو، دیني عالمانو او قومي مشرانو په منځګړیتوب پای ته ورسېده.

په غزني کې د ۴۰ جوړو د واده ګډ مراسم ترسره شول چې د اړوندو کورنیو سلګونو نارینه او ښځینه خپلوانو په کې ګډون کړی و.

د پکتیکا یو شمېر اوسېدونکي وايي، دغه ولایت دولتي برېښنا نه لري چې له امله يې خلک له ګڼو ستونزو سره مخ دي خو بل لور ته مسوولین بیا وايي چې دغه ستونزه به په نږدې راتلونکي کې حل شي.

د کونړ د کرنې ریاست مسوولین وایي، په دغه ولایت کې یې د ډنمارک د کډوالو شورا په مالي مرسته نږدې ۵۰۰ کورنیو ته د خوړو خوندیتوب او معافیت ښه‌والي په موخه د کوچنیو کاروبارونو زمینه برابره کړې ده.

د خوړو نړۍوال پرګروام وايي، په افغانستان کې تر یو میلیون زیاتې میندې او ماشومان د دغه پروګرام د بودجې کموالي له امله له مرستو بې‌برخې شوي دي.

د فراه ولایت سیمه‌ییز مسوولین وایي، په دغه ولایت کې د ملګرو ملتونو د خوړو نړۍوال پروګرام په مالي ملاتړ، له څه باندې ۱۵۰۰ کورنیو سره د خوراکي توکو مرسته وشوه.

د شهیدانو او معلولینو چارو سرپرست وزیر وایي چې د روان کال له پیله یې د افغانستان په کچه ۶۵۰ زره کونډو، یتیمانو او معلولینو ته اووه میلیارده افغانۍ حقوق ورکړي دي.