ټولنه

د پکتيا مرکز ګردېز ښار کې په درنو کارونو بوخت يو شمېر ماشومان له حکومتي مسوولينو او مؤسسو غوښتنه کوي چې د مناسب کار او زده‌کړو زمينه ورته برابره کړي.

د سرحدونو، قومونو او قبایلو چارو وزارت وایي، په زابل ولایت کې د دوو قومونو ترمنځ شپږ کلنه دښمني پای ته ورسېده.

ننګرهار کې ځايي مسوولین وايي چې د دغه ولایت په هسکه ‌مېنه ولسوالي کې د دوو کورنيو ترمنځ ۴۰ کلنه دښمني د قومي مشرانو په منځګړيتوب پای ته ورسېده.

د غزني ښار یو شمېر اوسېدونکي وایي، د دغه ولایت د درېیمي ناحیې اړوند اربابا سیمې ته غځېدلی سړک خراب دی او دوی پرې د تګ راتګ پر مهال له ستونزو سره مخ دي.

د کابل ښار یو شمېر خلک په هوټلونو کې د ودونو مراسمو ته د نابللو کسانو له ورتګه شکایت کوي، بلخوا، د چارو پوهان په دغه ډول مراسمو کې د نابللو کسانو ګډون «ناسم فرهنګ» بولي او وايي، حکومت باید د دې ستونزې هواري لپاره یو میکانيزم رامنځته کړي.

د افغاني سرې میاشتې ټولنې رییس په افغانستان کې د برتانیې هېواد د سره صلیب له مسوول سره په ليدنه کې له هغه غوښتي چې د افغاني سرې میاشتې د مرکزي روغتون د تجهیز په برخه کې مرسته وکړي.

د کډوالو چارو وزارت سرپرست د اروپایي ټولنې له سفیرې سره په لیدنه کې ویلي چې د کډوالو په نوم کېدونکې مرستې دې په مستقیمه توګه کډوالو ته ورکړل شي.

د فاریاب په مرکز میمنې ښار کې یو روزنتون چې د ۲۵۰ هلکانو او نجونو پالنه او روزنه به په‌کې کېږي، پرانیستل شو.

د ملګرو ملتونو د بشري مرستو د همغږۍ دفتر (اوچا) وايي، افغانستان کې راتلونکي ژمي کې د اړینو بېړنیو مرستو لپاره ۶۰۳.۵ میلیون امريکايي ډالرو ته اړتیا لري.

د نورستان ولایت مقام وایي، په پارون ښار کې د نهه میلیون افغانۍ په لګښت د برېښنا د یوې شبکې له بیارغولو وروسته له ۳۰۰ کورونو پرې شوې برېښنا بېرته ونښلول شوه.

ننګرهار کې د ښاروالۍ مسوولین وايي چې د دغه ولایت د مرکز جلال‌اباد ښار پاکولو په موخه حشر ترسره شو.

د ننګرهار د اطلاعاتو او فرهنګ رياست د ځوانانو چارو امريت وايي، روان کال په دغه ولايت کې شاوخوا زرو ځوانانو ته د وړيا او نيمه وړيا زده‌کړو زمینه برابره شوې ده.